-- ADVERTISEMENT --
GENSAN – Gipahimangnoan sa General Santos City Police Office, sa pagpanguna ni City Director Nicomedez Olaivar Jr., nga gidili sa balaod ang paggamit og open pipe o ang pag-modify sa tambutso sa mga motorsiklo aron makahimo og grabeng kasaba isip alternatibong pamaagi sa pagpabuto o pagsugat sa bag-ong tuig.
Matud pa niya, ang pag-usab sa tambutso usa ka dakong kalapasan sa balaod nga adunay tugbang nga silot, ug wala sila mihunong sa pagpanakop sa mga violators sukad sa nakalabay nga walo ka bulan hangtod karon.
Samtang ang kapulisan sa City Mobile Force Company, MPU ug TEU padayon nga nagpatuman sa operasyon ug walay exemption bisan sa holiday season aron masiguro ang kalinaw ug kahapsay sa siyudad.
