Nakadani ug atensiyon sa mga fans ang pagtambong ni Miss Universe 2018 Catriona Gray sa 2026 Victoria’s Secret Fashion Show isip special guest, apan adunay mga netizen nga napakyas sa ilang gipaabot nga makita siyang molakaw sa runway.
Apan pipila ka fans ang nagpahayag sa ilang kasagmuyo pinaagi sa social media human nahibal-an nga bisita lamang ang beauty queen ug dili kabahin sa mga modelong miapil sa fashion show.
Gilauman unta sa mga fans nga makita si Catriona nga mo ‘rampa’ sa iconic runway tungod sa iyang kaanyag ug kapasidad sa pagdala sa nagkalain-laing fashion looks.
Bisan pa niini, nakadani gihapon sa pagdayeg ang romantiko, feminine ug glamorous nga panagway sa beauty queen atol sa maong kalihokan.
Gipaambit usab ni Catriona sa iyang Instagram account ang mga litrato sa iyang outfit nga nakadugang sa atensiyon sa iyang pagpakita sa maong fashion event.
