Pito ka overseas Filipino workers (OFWs) ang naangol, diin tulo kanila ang anaa pa gihapon sa kritikal nga kahimtang, sumala sa pinakabag-ong taho gikan sa Department of Migrant Workers (DMW) nga gipaabot sa Department of Foreign Affairs (DFA) kagahapong adlawa.
Sa usa ka gipagawas nga pahayag, ang DFA ug DMW nagpahibalo nga nagtinabangay sila ug padayon nga nakig-alayon sa mga awtoridad sa Saudi Arabia aron paghatag og tabang sa mga Pilipino nga naapektuhan sa kagubot sa maong nasud.
Nahitabo kini human sa mga pag-atake sa King Khalid International Airport niadtong miaging Sabado.
Samtang, ang maong mga ahensya nagpadayag sa ilang pahasubo ngadto sa mga pamilya sa mga namatay sa kagubot, ingon man ngadto sa mga naangol sa maong trahedya.
Nanawagan usab ang mga ahensya ngadto sa tanang partido nga hunongon na ang paggamit og kapintasan, ug hinuon mangita og malinawon nga resolusyon ug diplomatikanhong pamaagi sa pagsulbad sa panagbangi.
Giawhag ang mga Pilipino sa Saudi Arabia nga sundon ang mga giya nga gipagawas sa lokal nga mga awtoridad ug magpabilin nga nakig-alayon sa Embahada ug sa Consulate General.
