GENSAN- Misaka ang paningkamot sa kapulisan sa dakbayan sa General Santos sa pagpakunhod sa gidaghanon sa mga unrenewed illegal firearms nga naa sa komunidad.
Sumala ni GSCPO City Director Police Colonel Nicomedes P. Olaivar Jr., kapin sa 10,000 ka unrenewed illegal firearms ang natala kaniadto apan karon, nagpabilin na lamang kini og kapin 3,000.
Gipasabot ni PCOL Olaivar nga kini usa ka dako nga kalampusan ug usa ka timaan nga nagpakita nga ang dakbayan nagpadayon sa pagka-responsable nga tag-iya sa armas.
Gidugang pa niya nga bag-o lang nahuman ang usa ka four-day gun show nga gihimo sa dakbayan ug gikonsiderar nga usa ka malampuson nga kalihukan alang sa pag-promote sa responsable nga pagpanag-iya ug armas ug pagsunod sa balaod.
Ang kapulisan nagpadayon sa ilang operasyon ug monitoring aron masiguro ang kaluwasan sa katawhan ug malikayan ang kalapasan nga may kalabotan sa armas.
