GENSAN – Nagkaguliyang ang mga katawhan sa Zone,1-A Brgy. Bula ning dakbayan sa Gensan human nga masayran nga adunay usa ka babaye nga anaa sa sulod sa imburnal pasado 9 sa buntag, Hulyo 11, 2025.
Sumala pa ni Francisco Siblante, Barangay tanod sa nasangpit nga barangay, nga adunay concerm citizen nga nanawag sa ilang opisina og gireport ang maong insidente og dali kining miresponde og didto nakita nga anaa ilalom sa imburnal ang babaye.
Matod pa nga naligo lang sa dagat ang maong babaye og nangita kini og pagkaon rason nga misulod kini sa “Box Culvert” diin gisubay niini ang maong kanal paingon sa kanto nga bahin sa Bula Police Station.
Sa pagkakaron padayun pa ang imbestigasyon sa maong insidente apil ang pag-ila sa maong babaye kung diin anaa kini sa balay tambalanan.
