GENSAN- Gikonsidera nga malampuson sa Philippine Drug Enforcement Agency o PDEA-12 ang kampanya batok sa ilegal nga droga sa SOCCSKSARGEN tungod sa gidaghanon sa mga indibidwal nga nadakpan ug sa padayong pagpatuman sa Barangay Drug Clearing Program.
Matod ni Agent Asnawi Adil Salik, Acting Assistant Regional Director sa PDEA-12, masaligon silang nagpakita og positibong resulta ang ilang kampanya karong tuiga.
Gipaklaro ni Salik nga bisan adunay pipila pa ka bulan sa wala pa matapos ang tuig 2026, makita na ang resulta sa ilang mga operasyon ug sa padayong pagpatuman sa mga programa batok sa ilegal nga droga.
Tungod niini, giingon niya nga makatarunganon nga ikonsidera nilang malampuson ang mga lakang nga gihimo sa ahensya sa tibuok Rehiyon 12.
