Lusot na sa Senate Committee on Finance ang proposed P785.204 million budget sa Office of the Vice President (OVP) alang sa 2027.
Ang maong proposed budget mas ubos og 11.7% kumpara sa P889.236 million budget nga nadawat karung 2026.
Tumong sa gipangayo nga pondo aron suportahan ang padayon nga paghatag og tabang ug serbisyo sa OVP sa mga benepisyaryo sa nagkanda-iyang parte sa nasud.
Lakip sa proposed budget ang P220.232 million alang sa Personnel Services, P561.651 milyon alang sa Maintenance and Other Operating Expenses, ug P3.321 milyon alang sa Capital Outlay.
Gawas niini, adunay nakagahin nga P15.544 milyon alang sa Retirement and Life Insurance Premium sa mga empleyado sa opisina.
Samtang wala mingtambong si Vice President Sara Duterte sa hearing alag sa proposed budget sa maong opisina karung adlawa, Oktubre 20.
Bisan paman, girepresentahan kini ni OVP chief of Staff Zuleika Lopez, ug gipasabot niini nga mingtambong matud pa ang Bise Presidente sa inurnment sa dugay nang city planner sa Davao City isip representant sa amahan niining si kanhi President Rodrigo Duterte.
Ang pag-apruba sa Senate finance panel parte sa proseso sa pagsusi sa proposed national budget alang sa sunod tuig. Mo-agi pa kini sa sunod nga lakang sa proseso sa pag-apruba sa national budget.
