Maayo na ang kahimtang ni Stephen Curry bisan pa sa mga naunang taho nga naangol siya gamay atol sa pagbansay niadtong Oktubre 19.
Kahinumdoman nga kalit nga natuis ang tiil ni Curry samtang nag-apil siya sa usa ka non-contact play atol sa open practice sa Warriors, hinungdan nga gidala siya sa locker room.
Matod ni Warriors Head Coach Steve Kerr, maayo na ang kahimtang ni Curry ug mibalik na usab kini sa pagbansay uban sa iyang team.
Gikatakdang sugdan sa Golden State Warriors ang ilang 2026–2027 NBA Season sa Oktubre 22 batok sa Los Angeles Lakers.
Niadtong miaging bulan, mipirma ang 38-anyos nga si Curry og duha ka tuig nga contract extension nga nagkantidad og 116 million dollars, nga mas ubos og 20 million dollars kumpara sa maximum offer sa team.
Ang bag-ong season mao na ang ika-18 nga season ni Curry sa liga.
Bisan sa iyang edad, nagpadayon gihapon ang NBA superstar sa pagpakita og impresibong average nga 26.6 points kada dula, 4.7 assists, 3.6 rebounds ug 1.1 steals.
