Nasikop sa gipatigayon nga buy-bust operation ang usa ka fish vendor human makuhaan ug gituohang shabu nga nagkantidad og kapin PHP 7 milyon sa national highway, Purok Makisama-A, Barangay Silway 8, Polomolok, South Cotabato, pasado alas-12:58 sa tungang gabii niadtong Hunyo 13, 2025.
Giila sa kapulisan ang suspek sa alyas nga “Victor,” usa ka High-Value Individual (HVI), hamtong, ug residente sa Datu Dali, Maguindanao del Norte sa rehiyon sa BARMM (Bangsamoro Autonomous Region in Muslim Mindanao).
Gawas nga fish vendor, giingong posible usab kining konektado sa mas lapad nga network sa illegal nga drug trade sa rehiyon.
Matod sa report, nasikop ang suspek human kini makapalit og illegal nga droga sa usa ka pulis nga nagpakaaron-ingnong poseur buyer atol sa operasyon.
Sa iyang posisyon, nakuha ang gibanabana nga usa ka kilosa gituohang shabu nga adunay kantidad nga PHP 7,140,000 subay sa Dangerous Drugs Board (DDB) valuation.
Karon, ang suspek gibutang na sa kustodiya sa Polomolok Municipal Police Station ug nag-atubang sa mga kasong kalapasan sa Section 5 ug 12, Article II sa Republic Act 9165 o ang Comprehensive Dangerous Drugs Act of 2002
Padayon ang imbestigasyon aron matumbok ang uban pa niyang posibleng kauban sa ilegal nga kalihukan.
