GENERAL SANTOS CITY- Nahimong malampuson ang Grand Opening sa Kalilangan Festival 2025 ug ang ika-86th nga Foundation Anniversary sa Gensan kagabie sa Pioneer Junction.
Gidagsa sa liboan ka Heneral gikan sa nagkadaiyang barangay sa dakbayan kauban ang mga opisyal sa syudad sa pagpanguna ni City Mayor Hon. Lorelie Geronimo-Pacquiao, apil usab ang ubang mga bisita gikan sa mga kasikbit nga dapit.
Dili mahulogan og dagom ang Pioneer Junction atol sa gipahigayong opening ceremony kagabie tungod sa kadaghang tawo nga nalingaw sa mga pasundayag. Mas midugok pa ang mga tawo dihang gipahigayon ang fireworks display nga mihatag og kahayag sa kalangitan.
Ang bagang duot sa mga nagsuroy ang misamot pa dihang nagsugod na ang pagtugtog sa usa ka sikat nga banda sa nasud.
Samtang sa mensahe ni Mayor Pacquiao, gipasalamatan niya ang tanang nahimong parte ug naghinaot nga malipay ang mga henerals hangtod sa closing ceremony sa Pebrero 27 2025.
