Gikatakda nga i-ban ang sikat nga platform sa internet nga TikTok sa United States of America nga panag-iya sa usa ka Chinese company nga ByteDance sa Enero 19, 2025.
Kini human sa desisyon sa Korte Suprema nga nagpalig-on sa balaod nga nagbawal sa maong platform.
Gitakda sa korte nga ang pagbawal ang wala milapas sa unsa mang mga amendment rights sa TikTok nga may kapin 170 million users.
Gikatakdang mulingkod si President-elect Donald Trump isip Presidente sa US sa Enero 20 usa ka adlaw human matigayon ang pag-ban sa TikTok kung asa nakadepende ang kaugmaon sa maong platform sa kamot ni Trump.
Bisag kanhi gisuportahan ni Trump niadtong 2024 ang mga lakang aaron ibawal ang TikTok sa America, apan gipaabot usab niini nga gisulayan niya nga isuspenso ang pagpatuman niini.
Sa usa ka pakighinabi, gihingusgan niya nga iya kining gipaabot og angayan lamang nga irespito ang desisyon sa Korte Suprema.
Dugang ni Trump nga kinahanglan niya nga maggahin og panahon aron masuta ang sitwasyon una muhimo og bag-ong mga desisyon kabahin sa sitwasyon sa Tiktok.
