GENERAL SANTOS CITY – Sobra ang suplay sa bugas sa rehiyon dose human gikumpirma nga usa sa tinubdan sa bugas sa nasud.
Kini human nagpagawas ug pahayag ang Department of Agriculture 12 nga bastante ang suplay sa bugas nga paigo pa hangtud sa unang kwarter sa sunod tuig.
Sumala sa buhatan nga dako ang volume sa harvest sa humay dinhi sa rehiyon dose busa daghan ang nakatambak sa bodega.
Hinuon giangkon ang padayon nga pagsulod sa suplay sa imported nga bugas tungod daghan ang nagkonsumo ug imported rice.
Apan ang importante nga mamahimong balanse ang presyo niini tungod sa lokal suplay nga naa usab sa merkado.
Usa pa sa rason nga ang rehiyon wala gikataho nga naigo sa bagyo busa dili ikatingala nga daghang bugas ang naa sa mga merkado.
Gikadugang pa nga nagpabilin nga gipangitaan ug mga paagi sa gobyerno nga matabangan ang mga lokal nga mag-uuma nga nagreklamo sa taas nga gasto luyo nga barato ang palit sa ilang produkto.
