SARANGANI PROVINCE-Lain na usab mga miyembro sa Communist Terrorist Group (CTG) ang boluntaryong mitahan sa mga awtoridad, kini human nga tulo ang misurender sa Sitio Tubak, Barangay Lumasal, Maasim, Sarangani Province sa nakalabay nga adlaw Oktubre 28, 2024.
Giila ang mga surrenderee nga sila si alyas “Bisol”, 29 anyos, minyo, mag-uuma og alyas “Ladal”, 37 anyos, minyo, mag-uuma, ug pulos residente sa Sitio Malkuhan, Barangay Pananag, Maasim, Sarangani Province, kinsa mitahan sa iyang usa ka .38 revolver.
Samtang usa ka alyas “Jek”, 20 anyos, ulitawo, mag-uuma, ug residente sa Sitio Fasad, Barangay Tudok, T’boli, South Cotabato, kinsa mitahan sa iyang usa ka 12 gauge shotgun.
Si alyas Bisol ug alyas Ladal, parehong miyembro sa (Guerilla Front Musa, Far South Mindanao Region) samtang si alyas Jek nga naglihok sa bukirang bahin sa Maitu, Kiamba, ug Maasim.
