Padayong gipangita si kanhi Bamban Mayor Alice Guo samtang giintrigo na sa mga otoridad sa Indonesia sa Pilipinas silang Katherine Cassandra Ong, ang representante sa Porac, Pampanga-based Philippine offshore gaming operator (POGO) ug Sheila Guo, ingsuon ni Alice Guo.
Kini human nanawagan ang gobyerno nga kanselahon ang passports ni dismissed Bamban, Tarlac Mayor Alice Guo, iyang mga kabanay, ug si Ong human nakagawas sa nasud bisan pa sa gipatuman nga Immigration Lookout Bulletin batuk kaniya.
Una nga nagmando si Pangulo Ferdinand Marcos Jr. nga madala balik sa Pilipinas sa mas dali nga panahon si dismissed Bamban Mayor Alice Guo ug mga kauban lakip ang mga mitabang nga makagawas sa nasud.
Gawas niini may kamandu-an usab si Executive Secretary Lucas Bersamin sa Department of Foreign Affairs ug Department of Justice nga himuon ang tanan aron makansela ang pasaporte nila ni Guo ug mga kauban.
