-- ADVERTISEMENT --
GENERAL SANTOS CITY – Napasakaan na ug kasong murder ang usa ka miyembro sa Coast Guard District Southern Mindanao nga gitudlong suspek sa pagpamusil patay kang Patrolman Jobert Moremonte, 29 anyos sa Brgy. Baluan, niining dakbayan sa Heneral Santos.
Matud ni Police Major Ari Noel Cardos, hepe sa Lagao Police Station nga anaa sa ilang kustodiya ang suspek nga si Mohammad Nazid Isa, 30 anyos.
Una ng gibutyag nga may kalabotan sa crime of passion ang motibo sa pagpamusil human nga base sa impormasyong nakalap sa kapulisan nga giingong karelasyon kaniadto sa biktimang pulis ang asawa sa suspek.
Kahinumduman nga ang biktima nga si Patrolman Moremonte ang nakaangkon ug tulo ka samad pinusilan sa likod nga bahin niini hinungdan sa iyang kamatayon.
