GENERAL SANTOS CITY – Magpatuman sa hugot nga seguredad ang 2024 Tuna festival nga ipahigayon sa sunod bulan.
Kini human nagpatawag ug tigum si Gensan Mayor Lorelie Pacquiao sa mga opisyal sa kapulisan sa syudad lakip sa mga kadagku-an sa Task Force GenSan aron hisgutan ang seguredad ug traffic arrangements sa maong kalingawan.
Kauban sa maong meeting ang pipila ka Konsehal apil ang pipila ka department head . Tema niining tuiga ang “Lasa, Galing sa Piyesta!” nga ang kahulogan mao ang abunda nga kinaiyahan, kultura ug ang global nga talento sa mga residente.
Ang dakbayan nailhan nga Tuna Capital of the Philippines ug “Home of the Champions,” ang takda nga mag host sa labing dako nga Tuna Festival nga mupasundayag sa mga aktibidad pinaagi sa social media.
Usa sa bisita nga muabot mao ang Pop Princess nga si Sara Geronimo .
