GENERAL SANTOS CITY – Malampuson nga nakumpiska sa sa mga otoridad ang suspected Illegal drugs equipment sulod sa usa ka tago nga bodega sa Sitio Sagel, Barangay Pinol, Maitum Sarangani Province.
Gamit ang search Warrant nga giisyu sa RTC Branch 50 gisulod sa nagkahiusa nga sakop sa kapulisan, PDEA ug mga sundalo ang lugar nga panag-iya matud pa sa Chinese National nga nagpangalan ug Tommy Go nga giingong taga General Santos.
Matud ni Police Col. Deanry Francisco nga sa maong lugar posebli gigamit nga shabu laboratory tungod sa mga kahimaman nga naa sulod sa bodega hinuon wala na gibutyag pa kung adunay Illegal drugs nga nakuha sa lugar.
Gikadugang pa niini nga ang bodega nahimutang sa hilit nga dapit ug naa sulod sa kampo nga giangkon sa MNLF.
Bisan wala sa lugar ang gitudlo nga suspek apan ipasaka sa kapulisan ang kaso nga pagsupak sa Sec 26, ug Sec 8 Article II sa RA 9165 .
Basi matud pa sa impormasyon nagabisita sa lugar ang nahisgutang suspek nga ginatawag usab sa pangalan ug Tommy Go.
