GENERAL SANTOS CITY – Mukabat sa tulo ka mga kabataan nga nag edad 20-anyos pasaka ang naaresto sa Philippine Drug Enforcement Agency Region 12 nga nalambigit sa kaso kalabuitans a paggamit sa flavored vapes nga may Marijuana oil.
Kini ang gikumpirma ni PDEA 12 Information Officer Kath Abad human nagpahigayon ang PDEA South Cotabato Provincial Police Office kauban ang Gensan City PNP ug Joint Operation dinhi sa dakbayan.
Sa maong operasyon, natigayon ang pag aresto sa tulo ka mga kabataan nga naa sa baynte anyos ang edad nga namaligya ug Vape nga may sagol sa gika ingong ilegal nga droga.
Kalabut niini nanawagan si Abad sa mga magbabalaud nga pakusgan pa ang pagpatuman sa kasamtangan nga balaud u ordinansa may kalabutan sa paggamit sa ilegal nga droga.
Nagpasalamat usab ang PDEA 12 sa tubag sa mga Local Government Units sa maayo nga pagtubag sa ilang panawagan aron pahinumduman ang mga kabataan nga likayan ang paggamit ug vape nga ginasagulan ug Illegal nga druga .
Nanawagan usab kini sa mga ginikanan nga bantayan pagmaayo ug maymayan ang ilang mga anak. .
