Natapos na ang kampanya ni Alex Eala sa women’s singles sa 2026 Asian Games human siya pildihon sa Chinese player nga si Wang Xiyu sa tulo ka set, 6-3, 3-6, 2-6.
Dali nga nakakuha og momentum si Eala sa unang set ug nakaabante og 5-0.
Nakabawi si Xiyu ug gipagamay ang kalainan sa 5-3, apan nagpabiling lig-on ang Pinay ug gisirado ang unang set, 6-3.
Sa ikaduhang set, sayo nga nakuha ni Xiyu ang momentum sa dula human makaabante og 5-1.
Misulay si Eala nga makabawi ug nakaduol sa 5-3, apan nakuha gihapon sa Chinese player ang set, 6-3.
Sa deciding set, nakakuha na usab og sayong bentaha si Xiyu, 4-1.
Wala na makakita og paagi si Eala nga makatabla sa dula samtang nagpadayon sa pagka-agresibo ang iyang kontra.
Sa katapusan, gisirado ni Xiyu ang deciding set, 6-2, aron makuha ang kadaugan.
Bisan wala nakasulod sa finals, dili mouli nga walay medalya si Eala human niya maangkon ang bronze medal alang sa Pilipinas sa women’s singles tennis.
