Gensan nakatala ug 34 ka mga bag-ong doktor sa bag-ohay nga migawas nga resulta sa Physicians Licensure Examination

GENERAL SANTOS CITY – 34 ka mga bag-ong doktor nga taga Gensan ang nakapasa sa bag-ohay nga migawas nga resulta sa Physicians Licensure Examination.

Sa maong ihap duha ang lakip sa top 10 nga si Dr. Mark Arlo Hernandez Segundo nga anaa sa top 5.

Samtang si Dr. Niel Steven Cachuela ang anaa sa ika-pito nga pwesto.

Matud pa ni Brick Mirabueno, presidente sa GenSan Medical Society nga dakong garbo sa GenSan ang kontribusyon sa mga nasangpit.

Dugang pa ni Dr. Cachuela nga bisag didto na siya sa kauluhan nagtungha sukad sa kolehiyo apan gabalik gayud siya sa dakbayan gumikan dinhi siya nagdako.

Sa bahin usab ni Dr. Segundo nga nagpasalamat siya sa tanan nga nagsuporta kaniya hangtud nga nahimong doktor.