Dakbayan sa Heneral Santos natala ang 53 ka kaso sa bag-ong variant sa omicron nga XBC

GENERAL SANTOS CITY – Aduna nay natala nga bag-ong kaso sa variant sa omicron sa dakbayan nga mao ang XBC.

Kini ang giangkon sa City Health Office kon CHO.

Base sa presentasyon ni Raffy Piamonte, nurse sa CHO nga mukabat sa 470 ang kaso sa omicron sa dakbayan samtang 77 ang natala nga delta cases og 53 ang kaso sa XBC nga mao ang kombinasyon sa delta og omicron.

Gikadugang pa niini nga upat ang patay og may local transmission na nga natala.

Kini ang rason nganong mitaas ang kaso sa COVID 19 sa syudad sa miaging mga semana.

Nasayran nga ang daghang kaso sa COVID 19 sa dakbayan ang gikan sa San Isidro, Apopong, Bula og Lagao nga milangkob sa 50% sa covid cases nga natala.