GENERAL SANTOS CITY – Maghulat hangtud may tubag ang imbitasyon sa Soccsksargen Federation of Fishing and Allied Industries Incorporated kon SAFFAI sa imbitasyon kang Pangulong Ferdinand Marcos sa ika- baynte -dos nga Tuna National Congress nga ipahigayon dinhi sa Dakbayan sugod karong adlawa hangtud ugma Septembre dos.
Matud ni SAFFAI President Dominique Salazar nga padayon ang pakig-alayon sa ilang buhatan ngadto sa Office of the Executive Secretary pinaagi kang Vic Rodriguez luyo nga daghan sa mga aktibidad ang ginatutukan sa Pangulo.
Matud niini nga bisan ug wala ang Pangulo mahinayon gihapon ang panagtigum sa mga stakeholders apan kung muabot mas maayo tungod ma-boast niini ang ‘moral’ sa sektor sa panagatan nga apektado sa krisis sa ekonomiya.
Ila usab gilantaw ang seguredad sa Pangulo aron bisitahon ang usa ka lugar o kaha panagtigom apan walay mga senyales sa pag-abut sa advance party sa Pangulo.
Gawas sa Pangulo giimbitahan usab silang Senador Cynthia Villar, DILG Secretary Benjur Abalos, DOLE Secretary Benny Laguesma, Consul general sa Japan, mga Mayor sa Quezon City, Bacolod City , Lucena City, mga bisita gikan sa America, China ug ubang nasud nga maghisgot sa Tuna production ug daghan pa.
