General Santos City | Nagmando si City PNP Director Pol. Col Paul Bometivo sa San Isidro Police Station nga sila na ang mangita sa mga biktima sa mga suspek nga gitudlong responsable sa sunod sunod nga pagpang hold up dinhi sa dakbayan sa Heneral Santos.
Sumala pa ni PLt Col Aldrin Gonzales ang tigpamaba sa General Santos City Police Office kini gumikan gusto gayud sa mga kapulisan nga masilutan kadtong mga suspek nga responsable sa insidente. Una niini nadakpan na sa kapulisan ang tulo ka mga suspek nga nailhang silang Vencent Mara-on Salazar, 22 anyos, John Lei Frasco, 19 anyos og Christian Caspillo, 18-anyos. Ang mga nahisgutan pulos walay mga trabaho ug residente sa Prk 13, Brgy Katangawan ug Prk 19, Brgy Lagao samtang ang usa sa nahitabong pagpang hold up sa duha ka menor de adad ang natigayon sa may Damicog St. Brgy. Bula . Sumala pa kang COl Gonzales nga pareho ang identity sa mga suspek sa sunod usnod nga pagpamusil dinhi sa may dakbayan. Gibutyag usab niini nga normal sa mga responsable nga manghimakak sa ilang mga nahimo apan kung maayo og igo ang ebidensya wala nay mahimo ang mga nahisgutan.
