GENERAL SANTOS CITY – Nasikop ang regional target-listed personality sa hiniusang pwersa sa PDEA South Cotabato Provincial Office, South Cotabato PDEU og Koronadal City DEU atol sa gipahigayon nga buy-bust operation sa Purok Morillo, Brgy. Sta. Cruz, Koronadal City, South Cotabato.
Ang naaresto ang nailhan sa pangalan nga si Cesar Ian Vargas alias Toto Negro, 27 anyos, single, painter, residente sa Purok Masipag, Brgy. Sta. Cruz, Koronadal City, South Cotabato.
Gibutyag nga ang gimbuhaton ni Vargas ang namonitor sulod sa dul-an sa usa ka tuig kung asa siya ang source sa illegal drugs sa mga kanhi naaresto nga mga drug personalities sa PDEA 12.
Nakumpiska atol sa operasyon ang duha ka gramos sa suspected shabu nga may estimated value nga P 13,600.00, og P 500.00 nga buy-bust money.
