GENERAL SANTOS CITY – Gihingusgan ni Atty. Rey Cartojano, co-anchor sa Duralex Sedlex sa Bombo Radyo GenSan nga angayang istrikto nga ipatuman ang mga patakaran sa pagmina.
Matud pa ni Atty. Cartojano nga mismo na ang nasyonal nga gobyerno ang nag-aproba nga magbalik ang operasyon sa minahan sa Tampakan, South Cotabato gumikan dako ang kontribusyon sa ekonomiya nga anaa sa 1.3 million trillion dollars.
Hinoon iyang gipaklaro nga may mga safeguards alang sa mga residente sa Tampakan kung unsa ang ilang kompensasyon kung madaut ang palibot.
Angayang siguradohon nga dili maapektuhan ang source sa tubig.Gikadugang pa ni Atty. Cartojano nga angayang mas dako ang kita sa gobyerno og dili sa negosyante.
Kahibaluan nga gidebatihan pa sa Sangguniang Panlalawigan sa South Cotabato kung ipadayon ang operasyon sa maong minahan nga kaniadto may napasa nga environmental code nga gabawal ang operasyon sa open pit mining sa maong probinsya.
