GENERAL SANTOS CITY – Gipaklaro ni Dr. Jett Oco, local IATF incident commander nga dili malakip ang GenSan sa mga lugar nga pwede nga ipailawom sa alert level 1.
Matud pa ni Dr. Oco nga kini gumikan sa tulo ka criteria nga mahimong basehan nga ipailawom sa alert level 1 may usa nga wala nakapasa ang dakbayan.
Gibutyag ni Dr. Oco nga kini gumikan wala pa nakab-ot sa syudad ang 80% nga mga senior citizens nga fully vaccinated batok sa COVID 19.
Tungod niini mas gipalig-on sa syudad ang kampanya sa pagbakuna ilabi sa mga senior citizen. Gihingusgan sa nasampit nga opisyal ang kamahinungdanon sa bakuna batok sa COVID 19.
Angayang mabakunahan ang mga senior citizen gumikan sila ang vulnerable sector nga nagpasabot nga delikado kung matakdan sa COVID 19.
