GENERAL SANTOS CITY – Daghan pa ang mga posibilidad nga mahitabo kalabutan sa extradition request kang Pastor Apollo Quiboloy nga wanted sa Amerika gumikan sa kalambigitan sa kasong sex trafficking.
Matud pa kang Atty. Luis Salazar, usa sa mga abogado sa dakbayan nga posibilidad nga pagkahuman na sa termino ni Pangulong Rodrigo Duterte hangyuon sa US State Department sa Department of Foreign Affairs (DFA) ang extradition ni Quiboloy.
Kini gumikan dili ikalimod nga si Quiboloy ang suod nga higala ni Pangulong Duterte.
Sa extradition request may posibiliad nga masagolan og pulitika tungod ang magdesisyon ang mga opisyal sa nasud.
Kahibaluan nga oras madawat sa DFA ang extradition request ipasa sa Department of Justice kon DOJ nga maoy magtuon kung may basehan o dili una i-file ang kaso sa Regional Trial Court (RTC) og magdesisyon ang huwes.
Kung pabor sa Amerika pwede nga muapila sa Court of Appeals hangtud sa korte Suprema butang nga taas kaayo ang proseso.
Samtang gatuo si Atty. Salazar nga layo ang posibilidad nga bolontaryong magsurender si Quiboloy.
