Gipahinumdoman ni Police Regional Office 12 Regional Director PBGEN Alan Manibog ang publiko nga magpabiling alerto ug mag-amping sa ilang kaugalingon samtang nagkaduol ang pagsaulog sa Pasko.
Matud ni Manibog, dili sa tanang higayon adunay kapulisan sa matag lugar aron motubag sa posibleng krimen o emerhensya, busa importante nga ang matag usa adunay kaugalingong pag-amping ug dili bug-os nga mosalig lamang sa presensya sa mga pulis.
Giawhag usab niya ang publiko nga gamiton ang Unified 911 kon adunay emerhensya aron dali nga mahatagan og tabang.
Gipasabot usab sa opisyal nga sulod lamang sa lima ka minutos ang target response time sa kapulisan human madawat ang tawag, busa importante nga ihatag dayon ang tukmang impormasyon sa panahon sa pagreport
