Gisugyot sa Department of Health kon DOH, kauban ang Department of Finance kon DOF, ang pag-usab ug pagpalig-on sa kasamtangang buhis sa mga ilimnong adunay tam-is nga sagol o Sweetened Beverages Tax aron maminusan ang mga risgo sa panglawas nga dala sa pagkonsumo sa mga tam-is nga ilimnon.
Lakip sa maapektuhan sa maong lakang ang mga ilimnong adunay dugang nga asukal o mga pampatam-is nga dili asukal, sama sa softdrinks, ready-to-drink coffee ug iced tea, packaged juice drinks, flavored milk, yogurt drinks ug electrolyte drinks.
Sumala sa mga awtoridad, ang kanunay nga pagkonsumo sa maong mga produkto mahimong hinungdan sa mas taas nga risgo sa sobra nga timbang, katambok, pagkadunot sa ngipon ug ‘type 2 diabetes’.
Tumong sa maong sugyot nga pataason ang buhis nga ipatuman sa mga tam-is nga ilimnon aron mapakunhod ang presyo nga madawat sa mga konsumidor sa maong mga produkto ug sa ingon, maminusan ang ilang pagkonsumo nga mahimong hinungdan sa nagkalain-laing sakit.
