-- ADVERTISEMENT --
Gikinahanglan ang boluntaryong pagdonar og dugo tungod kay wala kini laing kapuli ug dili mahimo o maprodyus sa laboratoryo o mapalit sama sa ordinaryong tambal sa botika.
Matud ni Merly Gludo, Chapter Administrator sa Philippine Red Cross–Sarangani General Santos, nag-agad sa mga boluntaryong blood donor ang suplay sa dugo nga gikinahanglan sa mga pasyente aron madugtungan ang ilang kinabuhi.
Dugang pa niya, ang bayranan sa dugo dili bayad sa dugo mismo kondili sa proseso sa laboratory testing, pagproseso ug pag-andam niini aron masiguro nga luwas kining magamit sa pasyente.
Tungod niini, nanawagan siya sa publiko nga magboluntaryo sa pagdonar og dugo kay ang matag donasyon mahimong makatabang sa pagluwas sa kinabuhi sa ubang tawo
