GENERAL SANTOS CITY – Lakip ang border security points sa dagat ang hugot nga tutukan sa mga otoridad gumikan duol ang dakbayan sa Indonesia tungod sa Delta variant nga nanaghan ang natal nga kaso sa COVID 19.
Matud pa ni Gensan mayor Ronnel rIVERA nga nakig-alayon na usab sila sa mga opisyal sa Sarangani aron nga walay makasulod sa mga taga Indonesia agi sa kadagatan nga wala nagsunod sa mga patakaran.
Lakip nga pahugtan ang boarder security sa kasikbit nga mga lugar.
Ang tumong niini aron nga dili makasulod sa syudad ang mga bag-ong variant sa COVID 19 tungod mas makatakod ang maong virus.
Kahibaluan nga sa pagkakaron mitaas pagmaayo ang kaso sa COVID 19 sa Indonesia gumikan sa Delta variant.
Tungod niini plano sa national IATF nga ipatuman ang travel ban sa Indonesia nga kasikbit nga nasud sa Pilipinas.
