GENERAL SANTOS CITY- Giangkon ni Mayor Ronnel Rivera nga lisod sa iyang bahin nga ibalanse ang ekonomiya og ang health capacity sa problema nga giatubang gumikan sa COVID 19.
Hinoon gipaklaro sa mayor nga mas gihatagan og gimbug-aton ang mga doktor gumikan maoy anaa sa prontalya sa pag-atubang sa pandemya.
Ang pamahayag ni Mayor Rivera ang natigayon atol sa emerency meeting sa local IATF nga gihisgutan ang pag-amienda sa Executive Order N0. 25.
Kini gumikan daghan ang nagreklamo tungod walay makaon nga gisirad-an ang ilang gitrabahuan.
Aron nga makunhuran ang sektor nga mas apektado sa kamanduan gitugtan nga ablihan ang mga stalls sa mall, mga laing establismento gawas sa internet cafe, bars og recreational centers.
Ang tricycle ang gitugtan nga makabiyahe bisag asang cluster.
