-- ADVERTISEMENT --
GENERAL SANTOS CITY – Miubos ang crime incidents samtang misaka ang crime solution efficiency dinhi sa dakbayan.
Matud pa ni PCol. Gilberto Tuson, ang labaw sa General Santos City Police Office (GSCPO) ang kooperasyon og koordinasyon sa kapulisan og sa mga residente sa syudad ang nakatampo aron kini makab-ot ang maong kalampusan.
Gibutyag sa labaw sa kapulisan sa GenSan nga mahinongdanon ang matag impormasyon nga gihatag sa mga tawo ngadto sa otoridad ilabina kalabotan sa mga gakahitabong kriminalidad.
Sa iyang pamahayag nga resulta kini sa paningkamot sa GSCPO human nga gipatuman ang Oplan Kabalikat og Ronda Patrol.
