GENERAL SANTOS CITY – Nakatutok ang Makar PNP sa ilang imbestigasyon sa bahad sa kinabuhi nga nadawat sa negosyante nga si Freya Joy Cuevas nga gipusil patay sa Brgy. Apopong, ning dakbayan.
Matud pa kang P/Major Patrich Elma, chief of police sa Makar PNP nga nakig-alayon sila sa pamilya sa biktima aron masayran ang dugang mga impormasyon.
Nasayran una napatay ang biktima nagpost kini sa iyang social media account kalabutan sa bahad sa kinabuhi.
Sa pamahayag ni Major Elma nga duha ka lalake nga sakay sa motorsiklo ang responsable sa kremin nga mipalayo gilayon sa crime scene human ang insidente.
Nasuta nga gawas nga may negosyo nga milk tea ang nasampit ahente gihapon sa usa ka car company.
Subay sa inisyal nga impormasyon, naglakaw lamang ang biktima sa bahin sa Marcos Avenue, sakop sa Purok 7, New Society tungod padulong unta sa iyang milk tea shop , sa dihang mahitabo ang pagpamusil.
Naigo ang biktima una sa likod nga milahos sa dughan kung asa gidala gilayon sa ospital apan gideklarang dead on arrival.
Ang pamilya ang gasinggit og hustisya alang sa ilang mahal sa kinabuhi.
