GENERAL SANTOS CITY – Nitungtong na sa 1,000 ang kaso sa COVID 19 sa South Cotabato.
Ang maong probinsya ang ikaduhang lugar sa Region 12 nga nakaabot na sa usa ka libo nga gipangunahan sa pagkakaron sa GenSan.
Sa labing ulahing report sa DOH – Center for Health Development Soccsksargen Region nga 29 ang nadugang nga kaso sa COVID 19 sa Region 12 kung asa 33 ang nakarekober og duha ang patay nga gikan sa Glan, Sarangani og Cotabato City.
Sa pagkakaron ang GenSan ang may 1,080 ka kaso sa COVID 19 kung asa 148 ang active cases og 49 ang patay.
Ang South Cotabato ang may 1,002 ka kaso, 69 ang active cases og 19 ang nakabsan sa kinabuhi.
Ang Cotabato City ang may 948 ka kaso, 113 ang active cases, 36 ang patay. Ang Sarangani ang may 374 ka kaso, 48 ang active cases og 14 ang patay.
Ang North Cotabato ang may 300 kaso, 13 ang active cases og 12 ang patay.
Ang Sultan Kudarat ang may 215 nga kaso, 18 ang active cases og siyam ang patay.
Sa katibuk-an may 4.019 ka COVID cases sa Region 12 kung asa 409 ang a ctive cases, 139 ang patay og 3,470 ang nakarekober.
