GENERAL SANTOS CITY – Gipaklaro ni Mayor Ronnel Rivera nga wala pay desisyon ang local interagency task force kalabutan sa sugyot sa uban nga dili una magdawat ang syudad og nga locally stranded individual kon LSIs sa bulan sa Disyembre.
Matud pa ni Mayor Rivera nga wala gipahibalo na ang mga miyembro sa IATF kalabutan niini aron tun-an kung kini ipatuman o dili.
Samtang gipasalamatan sa mayor ang kooperasyon sa tanan ngab bisag miabot na sa kapin 1,000 ang kaso sa COVID 19 sa syudad apan kapin na usab sa 800 ang nakarekober.
Apan ang target gayud sa syudad nga mubalik sa walay kaso nga matala sa dakbayan.
Gihingusgan sa city chief executive nga ang kampanya sa syudad batok sa COVID 19 nga kung mahimo dili na paabuton sa ospital ang maong sakit hinungdan nga walay puas ang panawagan sa katawhan nga sundon ang mga health protocols.
Kung may magpositibo gilayon nga gipahigayon ang contact tracing og i-isolate aron dili na matakdan ang daghan pa nga mga tawo.
