GENERAL SANTOS CITY – Mukabat sa 41 ka anti-ilegal drug operations ang napahigayon sa General Santos City Police Office (GSCPO).
Anaa sa 35 nasikop og pito ang napatay human nga misukol sa otoridad dungan sa kapin bulan nga paglusad sa “Oplan Kabalikat” kun “Kapulisan at Barangay Laban sa ilegal na Droga, Kreminalidad at Terorismo”.
Matud kag P/Col. Gilberto Tuzon, OIC City Director sa dakbayan, sukad Septiembre 16 hangtud Oktobre 15, 2020, 25 ka anti-illegal gambling operation ang gipahigayon, 59 nasikop og katibuk-an nga P13,609 bet money ang nakumpiska.
Mukabat sa 25 ka anti gambling operations ang gipahigayon samtang 11 search warrant ang nasilbi og 40 ang narekober og gisurender na armas sa kapulisan.
Sa pagpatuman usab sa kapulisan sa non-pharmaceutical interventions og mga oridinansa sa syudad, 400 ang naisyuhan og citation ticket sa pagsupak sa anti-smoking ordinance, 500 ang nasikop tungod sa pag-inom sa pampublikong lugar.
Nasuta usab nga 416 ka lalaki ang nadakpan tungod walay sul-ob nga sinena pang-ibabaw, 417 ang nagpangidaron og 20 anyos paubos og lampas 60 anyos ang narescue tungod anaa sa gawas sa panimalay.
Samtang ang mga nadakpan nga nakasupak sa RA 4136 kon Land Transportation and Traffic Code ang mukabat sa 2,300 og 96 ang nakadawat og TOP.
