GENERAL SANTOS CITY – Nangayo og pasaylo si Kapitan Luciano Palma sa Barangay Conel ning dakbayan human nga gisaway sa daghan nga mga netizen sa nagkatag nga hulagway sa social media nga adunay diskriminasyon.
Adunay gibutang nga signage nga dili pagatugutan ang mga residente nga makasulod sa maong lugar nga gipailawom sa lockdown ang ilang barangay gumikan sa COVID 19.
Daghan ang nakakita sa maong hulagway ug nakasulat usab nga g mga frontliner ug mga essential workers ang pagatugutan nga makasulod sa ilang lugar hilabi na kadtong adunay ID nga ipakita sa mga checkpoint.
Nasayran nga usa sakop sa Barangay Control Covid Force (BCCF) nga residente sa lugar ang nagbuotbuot nga nagbutang sa maong signage.
Matud ni Kapitan Palma nga wala nakahibalo ang mga barangay opisyal sa pagbutang sa maong signage.
Hinuon iyang gitangtang sa ang maong karatula.
Human makapangayu ug pasaylo mipasalig kini nga dili na mausab ang maong panghitabo ug iya usab ipatawag ang responsable.
