GENERAL SANTOS CITY = Kapin sa 20 mga public school teachers dinhi sa dakbayan ang gibutang sa usa ka isolation facility samtang giobserbahan ang ilang kahimtang.
Kini human gituhuang nga nagka close contact sa usa ka magtutudlo nga taga Polomolok nga nagtudlo sa New Society Elementary School nga gikataho nga nagpositibo sa coronavirus disease.
Matud pa ni Gensan School Division Superintendent Romelito Flore nga angayang ma-isolate ang mga close contact aron masiguro ang ilang kahimtang og mga anaa sa palibot.
Iyang gibutyag sa Bombo Radyo GenSan nga may nurse og doktor nga gamonitor sa ilang kahimtang.
Samtang epektibo gilayon ang kamandu-an ni DepEd 12 Director Allan Farnazo nga mag- work from home ang mga magtutudlo ug sundon ang mga gipatuman nga health protocol.
Gani gamiton sa DepEd ang mga job orders sa paghatud sa mga modules samtang magpadayon ang pag imprinta nga gipahigayon.
Lakip sa kamandu-an sa ilang labaw nga limitahan ang pagpasulod ug tawo sa mga tulunghaan samtang gapaabot sa class opening karong Oktobre 5, 2020.
