GENERAL SANTOS CITY – Usa sa mga locally stranded individuals (LSIs) nga gi-quarantined sa Cahilsot Elementary School sa Calumpang ning dakbayan ang nga misobra sa quarantines days ang pagtinir sa maong dapit ang nasuta nga nagpositibo sa COVID 19.
Kini ang gikumpirma ni Atty. Arnel Zapatos, city administrator sa exclusive interview sa Bombo Radyo GenSan ngadto kaniya.
Matud pa ni Atty. Zapatos unom ang nagpabilin apan ang lima ang gikatakda na usab nga muuli tungod lagpas na quarantine period og walay mga sintomas.
Nasayran nga duha ka higayon nga gipailawom sa swab test ang mga nasampit human nga nadaut ang unang specimen.
Kahibaluan nga daghan ang nagreklamo sa miaging bulan nga kapin na sila 21 ka adlaw sa quarantine facility wala gipapauli.
Gipaklaro ni Atty. Zapatos nga wala gisagol ang ulahing batch nga miabot ngadto sa unang gi-quarantined.
Sa iyang pamahayag nga 93 ka mga LSIs nga gitawag nila nga Exodus 2 o ikaduhang batch nga miuli sa syudad sakay sa mga bus ang gitutukan sa maong quarantine facility.
