GENERAL SANTOS CITY – Nakiglambigit na ang Makar Police Station sa pamilya sa gitudlong suspek sa pagdunggab sa usa ka 14 anyos nga lalaki kini human nga nadala sa ospital.
Kini aron itugyan og ipasurender kini kanila human ang pagdunggab sa biktima nga taga Prk 7 Extension Lanton Brgy Apopong ning syudad.
Sa imbestigasyon sa kapulisan, giila ang suspek nga si Carlo Alil nga residente usab sa maong lugar.
Gikabutyag nga padulong ang biktima sa tindahan kauban ang mga barkada dihang kalit miabot ang suspek og gidunggab ang menor de edad pila ka higayon. Pagkahuman sa insidente, paspas nga misibat ang suspek og sa gipahigayong hot pursuit operation sa kapulisan wala na ang nasampit sa ilang pinuy-anan. Samtang nagpaalim pa ang biktima sa ospital human sa daghang samad dinunggaban nga naangkon
