-- ADVERTISEMENT --
Andam si Transportation Secretary Vince Dizon nga motestigo pag-usab sa mga sunod nga pagdungog sa korte kalabot sa flood control scandal, lakip na sa kaso nga giatubang ni kanhi Ako Bicol Party-list Representative Zaldy Co.
Matod ni Dizon, motuman siya sa bisan unsang gikinahanglan sa Office of the Ombudsman aron mapadayon ang mga kasong gisang-at batok sa mga personalidad nga nalambigit sa giingong anomalya sa mga proyekto sa flood control.
Kataposang mitestigo si Dizon niadtong Septiyembre 23 sa graft case ni Co, kalabot sa giingong iregularidad sa usa ka proyekto nga nagkantidad og P289.4 million sa Naujan, Oriental Mindoro.
Personal usab nga gisusi ni Dizon ang maong proyekto ug miingon nga substandard ang mga gigamit nga sheet pile.
