GENSAN- Hilabihan ang pasalamat ni Alfredo Arao-arao, usa ka blood recipient ug dialysis patient, ngadto sa tanang boluntaryong nagdonar og dugo aron makatabang sa mga pasyenteng sama kaniya nga nanginahanglan niini.
Nasayran nga niadtong covid 19 pandemic dihang na-diagnosed kini nga adunay stage 5 chronic kidney disease og nasulod sa Intensive Care Unit kon ICU og sukad niadto, kinahanglang maabunohan siya og dugo.
Matud ni Arao-arao nga kon hatagan siya og higayon nga makaila sa tanang nagdonar og dugo ug mapasalamatan sila tagsa-tagsa, buhaton niya kini isip pagpakita sa iyang dakong pasalamat sa tabang nga ilang nahatag sa mga tawo nga nanginahanglan og dugo.
Nagpasalamat usab siya sa Dugong Bombo sa Bombo Radyo Philippines tungod kay pinaagi sa maong programa, nadugangan ang suplay sa dugo sa Philippine Red Cross.
Kalabot niini, giawhag ni Araoarao ang publiko nga moapil sa Dugong Bombo 2026 nga ipahigayon sa Nobyembre 14 sa Robinsons Place Gensan, aron mas daghan pang kinabuhi ang matabangan ug maluwas pinaagi sa boluntaryong pagdonar og dugo.
