Nakasulod na sa quarterfinals sa Toray Pan Pacific Open ang Filipina tennis star nga si Alex Eala human mapildi ang Australian player nga si Talia Gibson sa tulo ka set, 4-6, 6-2, 6-0, sa Round of 16 sa torneyo.
Nalisdan si Eala sa unang set human sa dikit nga panag-atbang, apan nakuha kini ni Gibson sa iskor nga 6-4.
Matud ni Eala, lisod ang unang set apan nahibalo siya nga aduna pa siyay mga kahigayonan nga modaog basta mapadayon niya ang iyang konsentrasyon.
Mibawi dayon ang Pinay tennis star sa ikaduhang set diin hinay-hinay niyang nakontrol ang dula ug gipakita ang mas agresibong pagdula, lakip na ang mga service ace, aron modaog sa iskor nga 6-2.
Sa deciding third set, hingpit nang gidominar ni Eala ang dula ug wala na makakuha og puntos si Gibson.
Gitapos niya ang dula sa iskor nga 6-0 aron masiguro ang iyang puwesto sa quarterfinals.
Human sa dula, nagpasalamat si Eala sa mga Pilipinong miadto pa sa Japan aron personal siyang suportahan.
Nagsaad usab siya nga magkita sa iyang mga fans sa sunod nga hugna sa torneyo.
