GENERAL SANTOS CITY -Dili na mahinayon ang Oktubre 26, 2019 alang sa piniliay sa pagka kongresista sa Gensan.
Kini ang gibutyag ni Atty. April Mitchor-Miguel human nga nagdesisyon na ang Comelec nga iproklama si kanhing Vice Mayor Shirlyn Bañas-Nograles isip kongresista sa First District sa South Cotabato.
Matud pa ni Miguel nga sundon nila ang kamanduan sa Korte Suprema nga iproklama nga midaug si Nograles ug dili na magpasang-at ug motion for reconsideraton.
Sa pagkakaron gihulat sa Comelec ang final nga desisyon sa Korte Suprema aron iproklama ang midaog nga kongresista sa unang distrito sa South Cotabato.
Una ng gibutyag sa Korte Suprema nga sa May 2022 pa ang effectivity sa pagbulag sa lone District sa Gensan ug sa 1st District sa South Cotabato ug sayop ang pagka-interpret sa Comelec.
Gibutyag ni Mitchor nga magmugna og special Provincial Board of Canvasser alang sa maong proklamasyon.
