Unang adlaw sa klase nahimong malinawon – GenSan Police

GENERAL SANTOS CITY – Nahimong malinawon ang unang adlaw sa pag-able sa klase dinhi sa dakbayan sa GenSan.

Kini ang gibutyag sa Bombo Radyo ni Police Col. Aden Lagradante, city PNP director, labaw sa General Santos City Police Office.

Sumala pa nga wala silay nadawat nga mga “untoward incident” dungan sa pag-able sa klase kagahapong adlawa.

Matud pa nga sa mga entrance sa mga tulunghaan may gideploy nga mga pulis alang sa pagbantay sa seguridad sa mga musulod nga estudyante.

Gimanduan usab matud pa ang matag station commander nga angayang may magpatrolya sa mga tulunghaan sa ilang areas of responsibility.

Kahibaluan nga kapin sa 149,000 ka mga kapulisan ang gi-deploy sa tibuok nasud alang sa pagbantay sa seguridad alang sa pag-able sa klase.