GENSAN- Naga-awhag si Fr. Julito Villarente, CP sa Our Lady of Peace and Good Voyage Parish, sa tanang kaigsuonan ug sakop sa komunidad nga magkahiusa ug mosalmot sa gikatandang bloodletting activity sa Bombo Radyo Philipines nga gitawag Dugong Bombo.
Ang maong nga kalihokan ipahigayon karong Nobyembre 14 sa Robinsons Gensan, diin magsugod ang pagpahigayon niini gikan sa alas 6:00 AM hangtod sa alas 5:00 sa hapon.
Sumala ni Fr. Villarente, ang kinasingkasing nga pagdonar og dugo dako og matabang aron makahatag ug makaluwas og kinabuhi sa kadaghanan sa mga nanginahanglan.
Dugang pa niini, ang pagdonar og dugo dili lang makatabang sa uban kundi makamaayo usab sa panglawas sa usa ka tawo pinaagi sa pagpagawas sa daang dugo o pag-cleansing sa lawas.
Gipahayag usab sa pari nga ang paghatag ug pag-alagad sa isigkatawo makatabang usab sa paghinlo sa kalag ug paghatag og mas tin-aw nga orientasyon o panglantaw sa paglawig sa kinabuhi.
