GENERAL SANTOS CITY – Plano matud pa sa militar nga kasuhan ang partylist group nga Makabayan bloc nga tataw nga gikaingon nga adunay ‘link’ sa mga armadong grupo.
Kini ang pahayag ni Lt. Jerry Maburang sa 73rd Infantry Battalion Philippine nga nakabase sa Malita, Davao Occidental.
Matud pa sa opisyal, gigamit sa maong grupo ang armed groups aron mangampanya sa ilang mga tumong sa bukid.
Kahibaluan, nakutkotan sa kasundaluhan sa 73rd IB sa kabukirang bahin sa Upper Suyan Malapatan Sarangani ang mga armas, election posters nga iya matud pa sa Makabayan bloc, medical paraphernalia ug uban pa.
Lakip sa nakutkutan nga ang assorted parts sa AK ug M16.
Hinuon gipaklaro ni Maburang nga wala silay nasikop nga mga sakop sa nahisgutang grupo.
Una niini, gibisto sa usa ka kanhi sakop sa rebelding NPA nga gipanglubong ang mga naasoyng butang sa naasoyng lugar hinungdan nga gilayong gilihok sa militar.
