GENERAL SANTOS CITY – Wala na matabang pa ang usa ka sais anyos human gideklara sa mga doktor nga dead on arrival sa usa ka tambalanan pasado alas dyes sa kagabii.
Kini human malumos ang nagpangalan ug Ricardo Butas Jr residente sa Lagao ning dakbayan.
Kuyog matud pa sa iyang mga apuhan ang bata nga naligo sa usa ka beach resort sa Brgy Tambler ning syudad.
Sulod sa maong kaligu-anan adunay swimming pool ug didto naligo ang sais anyos.
Basi sa talaan sa Tambler Police Station nga mipatala ang magtiayon nga Cerila ug Alejandro Lachica Jr kalabutan sa pagkalumos sa ilang apo.
Nakita matud pa nila nga gakapa-kapa ang bata sa mabaw nga bahin sa swimming pool sa pagtuo nga naligo kini apan ila na lamang nalingi-an nga milutaw na ang bata ug didto ilang gitabang.
Matud pa sa mga nahisgutan nga walay panimoot ang bata dihang gidala sa hospital.
