POLOMOLOK, SOUTH COTABATO – Patay ang usa ka mag-uuma nga wanted human matud pa misukol sa mga pulis nga nag-implementa sa warrant of arrest sa Polomolok, South Cotabato kagahapon.
Giila ni PSupt Jose Marie Simangan, hepe sa Polomolok Municipal Polce station ang suspek nga si Rodrigo Samling, 36-anyos.
Samtang sakay ang nahisgutan sa iyang multicab giharang kini sa mga pulis aron unta i-serve ang waRrant of arrest sa kaso niining rape.
Dihang nakamatikod ang suspek sa mga pulis kalit kinin mibunot og pusil hinungdan nga wala na magpaabot ang mga pulis nga maunhan sila hinungdan nga gipabuthan ang suspek.
Gisulayan pa pagdala sa kapulisan si Samling sa ospital apan gideklarong dead on arrival sa mga misuta nga doktor.
Nakaangkon ug 2 ka samad sa ulo og 3 ka samad sa lawas ang suspek nga hinungdan sa iyang kamatayon. Narekober sa kapulisan sa sakyanan ang caliber 38 pistol og mga bala nga iya sa suspek.
Sa report, gikanayong mialma ang pamilya sa suspek tungod wala matud pa misukol ang nahisgutan og nadissmis na ang kaso niaging tuig.
